米雅 的部落格

  
北部阿美語課文:
o maomahay ko loma’ niyam

O maomahay ci mama ako. Adihay ko omah niyam. Ira ko hadhad, ira ko fonon, dadahal aca ko rafar niyam i ’apilis no lotok. O fonga ato tefos ko mapalomaay i hadhad. O hafay ato faliyasan ato dateng ko mapalomaay i rafar, o panay ko mapalomaay i fonon.

Lipahak ko faloco’ niyam i pipanayan, nawhani, masapinang a ma’araw ko narorayan, rahker ko faloco’. Itini i sa’ayawan no loma’ i, ira ko fanaw itira. I taliyok no fanaw i, mapaloma ko masamaamaanay a falo, makapah ko falo a macelak, tada kaimahan no tamdaw a mineneng.

I laloma’ no fanaw i, ira ko toda, o fokong, o rarokoh, o lilas itira. Olahay saan ko tadok a misadangodangoy a matatoor itira.
（中文翻譯請至FB社群下載）